ბავშვის განვითარება თვიდან–თვემდე
წლინახევრისას შენ უკვე ნამდვილი პატარა ალპინისტი გყავს: ის ცდილობს აძვრეს ყველაფერზე, რაზეც შესაძლებელია. და კიდევ მომავალი ნიჭიერი მხატვარი - თუ არ გჯერა, შენი სახლის კედლებს შეხედე.
15-18 თვე
ფიზიკური განვითარება
-
დადის უკეთესად და უფრო სწრაფად;
-
დადის წრეზე,უკან-უკან, უხვევს;
-
ადის კიბეზე უფროსების დახმარებით.
-
ცდილობს "ფეხბურთის" თამაშს-ფეხს ურტყამს ბურთს, მაგრამ ხშირად აცდენს.
-
დამოუკიდებლად ძვრება საბავშვო სკამზე.
მნიშვნელოვანი უნარები.
მნიშვნელოვანი ეტაპია ბავშვის განვითარებისთვის - პატარა სწავლობს ჟესტების გარეშე ელემენტარული საუბრის გაგებას. ეს ხელს უწყობს გონებრივი შესაძლებლობების მძაფრ განვითარებას, აბსტრაქტული და ლოგიკური აზროვნების ჩამოყალიბებას. პატარა წარმოდგენას იქმნის საგნებზე და მათი შეხების გარეშე, შეუძლია მათი ზომის აღქმა. სიტყვები უფრო გრძელია, ჩნდება პირველი წინადადებები. ის უკვე პირველ სიმღერებსაც ღიღინებს და პირველ ნახატებსაც ხატავს (ჯღაბნის).
გეგმიური ვაქცინაცია
პოლიომელიტი ოპვ(OPV) ტარდება დიფტერია/ყივანახველა /ტეტანუსი დყტ (DPT) აცრასთან ერთად
კვება.
ამ ასაკში პატარას უკვე შეუძლია საოჯახო ტრაპეზში მონაწილეობის მიღება და იმ საკვების მიღება , რასაც უფროსები ჭამენ, მხოლოდ უფრო დაქუცმაცებული სახით. მას მაგიდასთან დამოუკიდებლად ჭამის სურვილი ეზრდება. თუმცა მშვიდად დაჯდომა და ჭამა მას ისვიათად გამოსდის, უფრო ხშირად ის ზეზეურად ჭამს.
პედიატრები გვირჩევენ, რომ პატარას მენიუში შევიტანოთ; ძროხის რძე,ოჯახის ყველი,კვერცხი,საქონლის ხორცი, არაქისის კარაქი,თევზეული,ბროკოლი,ისპანახი,კომბოსტო,ნესვი,მანგო,კივი,აბრიკოსი,გრეიპფრუტი,მარწყვი, პომიდორი,მაკარონი,თაფლი,"ალადიკები",კექსები.
ქცევითი უნარები
-
წლინახევრის ასაკში თითქმის ყველა ბავშვს უჩნდება ძრომიალის დაუოკებელი სურვილი: ძვრებიან სკამებზე,მაგიდაზე, ტახტზე, ცდილობენ დაბრკოლებებზე და ღობეებზე აძრომას. დროა სერიოზულად იზრუნო ამ პატარა ალპინისტის უსაფრთხოებაზე!
-
უყვარს ყუთების გამოლაგება, ამოწმებს ყველაფერს რაც თაროებზე, მაგიდაზე და უჯრებში ალაგია. ამიტომ ნივთები მაგიდის კიდიდან 30 სმ-ის დაშორებით დაალაგე.
-
აშენებს კოშკს 4-5 კუბიკით.
-
ცეკვავს მუსიკაზე
-
ისვრის ბურთს ხელებით
-
სწავლობს ქაოტური ხაზების და რგოლების ხატვას
-
უყვარს საჭმლის სოუსში ჩაწობა.
-
ალაგებს კუბიკებს ზომის მიხედვით, ცილინდრებს ერთმანეთში აწყობს
-
წლინახევრიდან პედიატრები გვირჩევენ ქოთანზე დასმის პროცესის დაწყებას.
მოსალოდნელი პრობლემები
-
საბავშვო შიშები;
-
მავნე ჩვევები;
-
ერთი წლის ასაკის კრიზისი
