ქცევითი უნარები.

ოთხი თვის პატარებს არ უყვართ მარტო ყოფნა. ხშირად ყვირიან და დედას ითხოვენ , და თუ შენ გამონახავ მასთან თამაშის დროს – ეს ორივეს დიდ სიამოვნებას მოგანიჭებთ.

 

იატაკზე ან საწოლში ნებივრობისას, მას უკვე შეუძლია კოტრიალი, ფეხების თავთან მიტანა და ხელის თითებით ფეხების დაჭერა.

 

ხელში დაჭერილ სათამაშოებს ის ყურადღებით შეისწავლის,გადააქვს ხელიდან ხელში და შემდეგ პირში მიაქვს. და ამ დროს იმდენ ნერწყვს (დორბლს) გამოყოფს, რომ ჭირდება წინსაფარი . არ ინერვიულო: ბავშვის ნერწყვს  აქვს ბაქტერიოციდული მოქმედება.

 

პატარასთან ერთად იზრდება მისი გამჭრიახობაც. ის უკვე ,თითქმის ყოველთვის აბრუნებს თავს იმისაკენ, ვინც ელაპარაკება, განსაკუთრებით მაშინ, როცა მას სახელით მიმართავენ.ძალიან ცდილობს გარშემომყოფების ბგერების, ინტონაციის და ჟესტების იმიტაციას.

 

როგორც კი ბავშვი შეძლებს დაჯდომას საზურგეზე დაყრდნობით, შეგიძლია მისი ჩასმა სლინგში ვერტიკალურად. ეს შენც მოგეწონება და შენს პატარასაც. სიმაღლიდან ის უკეთესად დაათვალიერებს ყველაფერს , რასაც დედიკო ხედავს – ირგვლივ ხომ იმდენი საინტერესო რამ ხდება! შენ კი ხელები გაგითავისუფლდება