ფსიქოლოგიური განვითარება.

პირველ თვეს ჯერ თქვენი პატარა ვერ წარმოთქვამს ბგერებს და "აღუ"–მდეც ჯერ დიდი დროა. ხშირ შემთხვევაში ის ტირის, როცა რამე არ მოსწონს და სძინავს , როცა კმაყოფილია.

ახალშობილს ახასიათებს ფსიქიკის რამოდენიმე მდგომარეობა: 

მშვიდი ღვიძილის (ინტერაქტიური სიმშვიდე) – პატარას ღია აქვს თვალები, გამოხედვა ნათელი.ხელები და ფეხები მშვიდად უდევს.ყურადღება მიმართული აქვს იმაზე, რაც წინ უდევს. ეს მდგომარეობა ყველაზე შესაფერისია კომუნიკაციისთვის და სწავლისთვის.

აქტიური ღვიძილი–გავს მშვიდ ღვიძილს, მაგრამ მოძრაობები უფრო აქტიურია ,ყურადღება მიმართულია საკუთარ თავზე და მოქმედებებზე. ის ერთობა საკუთარი მოძრაობებით.

ძილიანობა – ქუთუთოები უთრთის და თითქმის დახურულია, ყურადღება მოდუნებულია. ამ მდგომარეობიდან ის გადავა ან ძილში , ან გაიღვიძებს. 

ზედაპირული ძილი–ბავშვს ძინავს, მაგრამ სახე და კიდურები უცახცახებს, სუნთქვა – არასწორი, ხელ–ფეხი მიბჯენილი აქვს სხეულზე.

ღრმა ძილი–ბავშვი მოდუნებული, ხელ–ფეხი თავისუფლად უდევს,სუნთქვა სწორი და მშვიდი.