კვება. 

ორი წლისთვის მშობლების წინაშე შეიძლება თავი იჩინოს ისეთმა პრობლემამ, როგორიცაა – ბავშვის მიერ საჭმელზე უარის თქმა. ძალიანაც ნუ ინერვიულებთ ამის გამო, ნუ დააძალებთ და ნუ ჩატენით ბავშვს პირში ლუკმას. ასეთ უმადობას თავისი მეცნიერული ახსნა აქვს.

წლინახევრის ასაკში ბავშვის სიმაღლეში ზრდა კლებულობს. თუ პირველ წელს ბავშვის მასა დაახლოებით სამჯერ მატულობს, წლიდან ორ წლამდე ის მხოლოდ 30% იზრდება. ამიტომაც მას ნაკლები საკვები სჭირდება.  მით უფრო , რომ სიმაღლეში ის უფრო მნიშვნელოვნად იზრდება , ვიდრე სიგანეში , და ენერგეტიკული მარაგების სახით ის იმ ცხიმებს მოიხმარს, რომლების ჩვილობის ასაკში დააგროვა. ამიტომაც არის , რომ ამ ასაკის ბავშვებივიზუალურად "წონაში იკლებენ"

ორი წლის ბავშვის რაციონი დაახლოებით 1000-1300 კალორიისგან უნდა შედგებოდეს.. ცილების მოთხოვნილება – 2 გრ /1კგ წონაზე დღეში. იდეალურად დაბალანსირებული კვება შედგება:  50-55% – ნახშირწყლები, 35-40% –ცხიმები და 10–15% ცილებისაგან. სასარგებლოა ხშირი ჭამა, ტკბილეულობა უმჯობესია მოვარიდოთ.

10 ყველაზე სასარგებლო პროდუქტი: ავოკადო, ლობიო,ყველი,კვერცხი,თევზი,(ორაგული, თინუსი, ვირთევზა) , კარაქი,მაკარონი,ყვიტელი ბრინჯი, ხაჭო,ინდაურის ხორცი.

როგორ ვაიძულოთ ბავშვი, რომ ჭამოს:

• მოერიდე მასზე ზეწოლას. რაც მეტს აიძულებ, მით უფრო ნაკლებს შეჭამს. დაძალებამ შეიძლება დიდი ხნით დაუტოვოს უარყოფითი დამოკიდებულება ჭამის მიმართ.

• ნუ ეცდები ძალით დასვა ის მაგიდასთან. მაშინ როცა მას უამრავი სხვა საინტერესო საქმე აქვს, მას უბრალოდ საჭმელად არ სცალია . თუ ის ცოტ–ცოტა და ხშირად მიიღებს საკვებს – ესეც ძალიან  მისაღები და სასარგებლო იქნება მისთვის. 

• დაუდე პატარ–პატარა ულუფები. ნუ გააოგნებ მას უცებ უზარმაზარი,სავსე   თეფშით. ჯერ ცოტა შეჭამოს ,თუ მოუნდება დაუმატე მცირე ულუფები.

• მოუმზადე სხვადასხვა სახის სოუსები. 1–2 წლის ბავშვებს ძალიან მოსწონთ საჭმლის სოუსში "ჩაწობა". სოუსში შეგიძლია "დამალო" მისთვის არასაყვარელი პროდუქტებიც. არ შეიძლება მაიონეზის , კეტჩუპის , ძმრიანი და სანელებლებიანი სოუსების გამოყენება.

• თუ ბავშვს უფრო მოსწონს თხიერი საკვები , მოუმზადე სხვადასხვა კოქტეილები , მაგალითად , იოგურტში შეგიძლია დაუმატო ხილი. 

• მოუმზადე ლანგარი  "გემრიელობებით"; სხვადასხვა მცირე ზომის ფორმებში ჩაულაგე გემრიელი და სასარგებლო პროდუქტები – ყველის კუბიკები, ბანანის რგოლები,ავოკადოს ნავები, ბროკოლის  და ყვავილოვანი კმბოსტოს "ხეები:, მაკარონის ნიჟარები და ა.შ – გამოიჩინე ფანტაზია. ასეთი ლარნაკი  ზუსტად ესადაგება ამ ასაკისთვის განკუთვნილ კვების სტილს: მოირბინა , გადაყლაპა , გაიქცა ისევ სათამაშოდ .  მიაქციე ყურადღება, რომ ლარნაკი მაგიდაზე იდოს , მისთვის ხელმისაწვდომ ადგილას.